Ráðgjöf
Hvar er hægt að fá ráðgjöf, endurgjöf og aðgengi að mentorum fyrir nýsköpunarverkefni?
KLAK - Icelandic Startups
KLAK býður upp á ráðgjöf með verkefnastjórum sínum fyrir nýsköpunarverkefni. Hér að neðan getur þú pantað 30 mín ráðgjafafund með verkefnastjórum KLAK þér að kostnaðarlausu:
Hraðlar
Hraðlar eru góðir byrjunarstaðir og stökkpallur fyrir nýsköpunarverkefni, en með því að taka þátt í hröðlum hljóta þátttakendur oft ýmiss konar ráðgjöf. Til að mynda nýta sér um 70 - 90 sprotafyrirtæki mentoraþjónustu á hverju ári í gegnum viðskiptahraðla eins og Startup SuperNova og Hringiðu. Stundum fylgja mentorar sprotum eftir með reglulegum og stuttum mentorafundum eftir að hraðli lýkur.
Skoða hraðla
Klasar
Það má finna ýmsa klasa á Íslandi, sumir klasar veita ráðgjöf, geta bent fólki í rétta átt eða hjálpað við að finna tengiliði sem geta veitt ráðgjöf, aðstoð og/eða endurgjöf. Ef verkefni þitt eða hugmynd tengist sviði einhvers ákveðins klasa getur verið snjallt að hafa samband við viðkomandi klasa. Hér getur þú lesið um hvað klasi er, séð hvaða klasar starfa á Íslandi, á hvaða sviðum þeir starfa og hvernig hægt er að hafa samband við þá:
Skoða hraðla
Landsbyggðin
Fyrir verkefni á landsbyggðinni þá veita landshlutasamtök sveitarfélaga gjaldfrjálsa atvinnu- og nýsköpunarráðgjöf. Hér má finna upplýsingar um landshlutasamtök sem bjóða upp á ráðgjöf og hvernig hægt er að hafa samband:
SSV (Vesturland)FV (Vestfirðir)SSNV (Norðurland vestra)SSNE (Norðurland eystra)SSA (Austurland)SASS (Suðurland)SSS (Suðurnes)Ráðunautar RML sinna sérhæfðri ráðgjöf varðandi nánast allt sem viðkemur landbúnað, þar á meðal tengt nýsköpun í landbúnaði.
Ráðgjafarmiðstöð Landbúnaðarins (RML)
Hugverkaréttindi (einkaleyfi, vörumerki og hönnun)
Hugverkastofan býður upp á 30 mínútna endurgjaldslausa ráðgjöf þar sem sérfræðingar svara spurningum og leiðbeina varðandi hugverkaréttindi, einkaleyfi, vörumerkjavernd og fleira. Þú getur pantað tíma hjá Hugverkastofunni hér. Einnig er boðið upp á samtalsleit einkaleyfa til að kanna hvort að tæknileg uppfinning sem uppfinningamaður sé með sé í raun ný og einkaleyfishæf og eins til að koma í veg fyrir að tíma sé eitt í uppfinningar sem eru ekki nýjar.
Auðna tæknitorg veitir öllu starfsfólki og rannsakendum allra háskóla og helstu rannsóknastofnana ráðgjöf varðandi hugverkarétt, tækniyfirfærslu og fyrstu skref í viðskiptaþróunar hjá sprotum sem byggja á rannsóknum. Auðna býr yfir öflugum greiningartólum sem kafa í einkaleyfagagnagrunna til að kanna einkaleyfishæfi og einkaleyfaumhverfið út frá hverju verkefni fyrir sig.
Árnason Faktor veitir ráðgjöf varðandi vernd hugverkaréttinda á borð við vörumerki, einkaleyfi, hönnun og höfundarétt. Einnig er boðið upp á svokallaðan „startup pakka“ þar sem veitt er aðstoð við stofnun fyrirtækis, leit að félagaheiti, stofnun félags, þarfagreiningu og ráðgjöf varðandi mögulega hugverkavernd. Sjá nánar á heimasíðu Árnason Faktor.
Þú finnur meiri upplýsingar og gagnlega hlekki tengt hugverkaréttindum undir fræðsla.
Önnur ráðgjöf
EEN - Enterprise Europe Network á Íslandi, sem er hluti af þjónustu Rannís, aðstoðar lítil og meðalstór fyrirtæki og tengist stóru alþjóðlegu viðskiptatengslaneti með um 450 skriftstofum í yfir 40 löndum og með yfir 3000 sérfræðingum. EEN veitir ýmsa ráðgjöf og þjónustu ókeypis þar á meðal vegna fjármögnunarmöguleika, kortlagningu styrkja og aðstoð við fjárfestakynningar. Þau aðstoða við að leita eftir gagnlegum viðskiptaupplýsingum og samstarfsaðilum í gegnum viðskiptatengslanetið hjá EEN. Að auki bjóða þau upp á ókeypis fyrirtækjagreiningar með greiningartóli eins og Innovation Health Check sem getur nýst nýsköpunarfyrirtækjum í uppbyggingu. Nánari upplýsingar má finna inn á heimasíðu EEN á Íslandi.
Matís veitir ráðgjöf til frumkvöðla í matvælavinnslu. Best er að hafa samband beint við Matís fyrir frekari upplýsingar. Skoða má heimasíðu Matís hér og netfangið þeirra er matis@matis.is.
Til eru ýmsir Facebook hópar fyrir frumkvöðla og sprotafyrirtæki sem eru eins konar jafninga samfélög þar sem hægt er að spyrjast fyrir og eiga umræður. Töluverð virkni hefur verið í mörgum facebook hópnum svo það getur verið snjallt að nota leitina.
Skoða alla facebook hópaÍslandsstofa getur veitt ráðgjöf og aðstoð í tengslum við útflutning og markaðssetningu á vöru og þjónustu erlendis.
KPMG veitir nýsköpunarfyrirtækjum, fjárfestum og öðrum sem tengjast nýsköpun fjölbreytta þjónustu og ráðgjöf. Sjá nánar á heimasíðu KPMG.
Víkonnekt veitir 5 klst. fría ráðgjöf til sprotafyrirtækja sem eru að leggja af stað með sín verkefni. Það getur til að mynda verið ráðgjöf tengt gerð kröfulista, þarfagreiningu, áætlunargerð og mat við smíði frumgerðar (e. MVP), viðskiptaáætlun eða skrif á tæknilýsingu fyrir Rannís styrk. Þú getur haft samband við Víkonnekt hér.
Nokkur fyrirtæki og einstaklingar bjóða upp á ráðgjöf og aðstoð í tengslum við styrkumsóknir vegna nýsköpunarverkefna. Í styrkjayfirliti Skapa.is finnur þú yfirlit yfir þessa aðila.
Lang flestir í frumkvöðla samfélaginu á Íslandi vilja hjálpa öðrum í sömu sporum, og því getur verið góð hugmynd að vera óhrætt við að hnippa í aðra á viðburðum, jafnvel sem það þekkir lítið sem ekkert, til að fá ráð og endurgjöf. Einnig má finna ýmsa Facebook hópa fyrir frumkvöðla þar sem hægt er að óska eftir endurgjöf og jafningjaráðgjöf.
Einnig getur verið óvitlaust að finna aðra frumkvöðla sem náð hafa árangri á svipuðu sviði og þitt verkefni/hugmynd, til að tengjast og sækjast eftir ráðum.
