Austurland

Austurbrú | Ráðgjöf

Landshlutasamtökin Austurbrú veita ráðgjöf til frumkvöðla og sprotafyrirtæki á Austurlandi. Þessi ráðgjöf er í boði hjá öllum landshlutasamtökum í öllum landshlutum skv. samningi við Byggðastofnun. Ráðgjöfin er gjaldfrjáls á fyrstu stigum (allt að 10 tíma ráðgjöf).

Lífmassaver Matís

Í lífmassaveri Matís má finna tæknilega fullkominn vinnslubúnað sem hentar vel við þróun og framleiðslu á próteinum og olíum úr hliðarafurðum matvælavinnslu sem nýta má ýmist í fóðurgerð eða til manneldis og matvælagerðar. Lífmassaver Matís er staðsett á Neskaupsstað en hluti af því er færanlegt svo mögulegt er að flytja tækin hvert á land sem er. Slíkt er hugsað sem aukin þjónusta við innlenda matvælaframleiðendur út um allt land m.t.t. nýsköpunar og vöruþróunar.

Sköpunarmiðstöðin Stöðvarfirði

Sköpunarmiðstöðin í gamla hraðfrystihúsinu á Stöðvarfirði býður vinnustofur og verkstæði til trésmíða, leirlistar og prentunar, ásamt einu fullkomnasta hljóðveri landsins, Stúdíó Síló, og 115 m² tónleikasal. Aðstaða fyrir skapandi frumkvöðla, listafólk og listamannadvalir — leiga eftir samkomulagi.

Fab Lab - Austurland

Fab Lab er stafræn smiðja með það að markmiði að efla nýsköpun og tæknilæsi í samfélaginu. Þar er hægt að þróa nýsköpunarhugmyndir meðal almennings, innan menntastofnana og í atvinnulífinu. Meðal annars má finna eftirfarandi tækjabúnað: Laserskera, vínylskera, ShopBot fræsivél, fínfræsivél, þrívíddarprentara og rafeindaverkstæði.

+10

Uppbyggingarsjóður Austurlands

Uppbyggingasjóður styrkir m.a. nýsköpunarverkefni á Austurlandi í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis.