Klasar
Klasi er samfélag og vettvangur í tiltekinni grein með það að markmiði að efla nýsköpun, auka verðmætasköpun og samkeppni. Starfsfólk klasa veita oft ráðgjöf til frumkvöðla.
Álklasinn er samstarfsvettvangur fyrirtækja í áliðnaði til að búa til farveg nýrra hugmynda, tengslamiðlunar og nýsköpunar. Klasinn vinnur að ýmsum verkefnum og heldur árlegt nýsköpunarmót.
Blámi er samstarfsverkefni og klasi með það að markmiði að ýta undir og styðja við orkuskipti í samgöngum og sjávartengdum iðnaði ásamt því að efla nýsköpun á sviði orkunýtingar á Vestfjörðum.
Eimur er klasi sem hefur það að markmiði að bæta nýtingu auðlinda á Norðurlandi með verðmætasköpun, sjálfbærni og nýsköpun að leiðarljósi. Eimur miðar að því að leiða saman fólk og fyrirtæki til samstarfs um tilraunir, rannsóknir og þróunarverkefni á sviði orku-, auðlinda-, og loftslagsmála, meðal annars með öflun alþjóðlegs fjármagns.
Eimur er klasi sem hefur það að markmiði að bæta nýtingu auðlinda á Norðurlandi með verðmætasköpun, sjálfbærni og nýsköpun að leiðarljósi. Eimur miðar að því að leiða saman fólk og fyrirtæki til samstarfs um tilraunir, rannsóknir og þróunarverkefni á sviði orku-, auðlinda-, og loftslagsmála, meðal annars með öflun alþjóðlegs fjármagns.
Eygló er samstarfsverkefni um eflingu orkuskipta, orkunýtni og hringrásarhagkerfis á Austurlandi. Markmið Eyglóar er að minnka kolefnisspor Austurlands í samstarfi við einstaklinga, fyrirtæki og stofnanir á svæðinu. Eygló mun kortleggja orku- og efnisstrauma á Austurlandi og stuðla að samdrætti í losun gróðurhúsalofttegunda í gegnum tiltekin verkefni.
Tilgangur Fjártækniklasans er að efla nýsköpun í fjármálum og gera viðskipti af öllu tagi auðveldari og betri. Klasinn er samfélag þeirra sem starfa við fjártækni og vilja stuðla að aukinni verðmætasköpun, samkeppni og nýsköpun. Hann stendur fyrir viðburðum, kynningum á nýsköpunarfyrirtækjum og er hluti af nýsköpunarsetrinu Gróðurhúsið á 2. hæð í Grósku. Þar að auki vinnur klasinn að framgangi fjártækni á ýmsan hátt, svo sem með tengingum við erlend fyrirtæki og klasa, tengingu á milli mögulegra samstarfsaðila og ýmiskonar sérverkefnum.
Heilsutækniklasinn er samstarfsvettvangur í heilsu- og líftækni á Íslandi sem hefur það að markmiði að auka nýsköpun og nýliðun í heilsu- og líftækni. Klasinn stendur fyrir mánaðarlegum fundum, rekur lausnamót, miðlar og tekur þátt í alþjóðlegum viðburðum er tengjast heilsu- og líftækni.
Hringrásarklasinn er stuðningsnet fyrirtækja sem starfa í anda hringrásarhagkerfisins. Ætlun klasans er að flýta fyrir innleiðingu hringrásarhagkerfis hér á landi með því að ryðja úr vegi þeim hindrunum sem kunna að vera til staðar og lyfta því upp sem vel er gert. Starfsfólk klasans getur veitt ráðgjöf um umhverfistengd atriði og komið í rétta farvegi ábendingum um hindranir eða hvata sem regluverk og skattaumhverfi hafa í för með sér. Að auki safna þau saman sögum af því sem vel er gert til að lyfta því upp í samfélagsumræðunni.
Íslenski fæðuklasinn nær yfir hvers kyns fæðutengda starfsemi og landbúnað; ræktun, framleiðslu og vinnslu, en einnig sölu og neyslu. Klasinn er hvetjandi vettvangur frumkvöðla, samstarfs fyrirtækja og stofnana með verðmætaskapandi verkefni í fyrirrúmi. Íslenski fæðuklasinn veitir ráðgjöf - frá því hugmynd að vöru eða þjónustu kviknar, hún þróuð og að lokum hrundið í framkvæmd.
Hlutverk Ferðaklasans er að efla samvinnu þvert á greinar og hraða mikilvægum breytingum í átt að auknum árangri fyrir fyrirtæki í ferðaþjónustu. Verkfæri klasans eru verkefni á breiðum grunni en Ferðaklasinn hefur sett áherslu á þrjá flokka: Sjálfbærni, nýsköpun og starfræna þróun. Þar að auki er sterk áhersla á alþjóðlegar tengingar.
Íslenski Sjávarklasinn er leiðandi fyrirtæki í verðmætasköpun í bláa hagkerfinu; útvegar sprotum aðstöðu, styrkir tengslanet þeirra og fjárfestir í nýsköpun. Markmið Sjávarklasans er að efla alla starfsemi tengda haf- og vatnasviði landsins og nýta innlenda tækniþekkingu til að efla verðmætasköpun og nýsköpun.
Orkídea er samstarfsverkefni um nýsköpun á Suðurlandi á vegum Landsvirkjunar, Samtaka sunnlenskra sveitarfélaga, Landbúnaðarháskóla Íslands og Umhverfis, orku og loftslagsráðuneytis. Tilgangur Orkídeu er að stuðla að þróun orkutengdrar matvælaframleiðslu og hringrásarhagkerfis á Suðurlandi. Markmið félagsins að greina og greiða leið þeirra nýsköpunartækifæra sem Suðurland, og Ísland í heild sinni, hefur upp á að bjóða hvað varðar matvælaframleiðslu og líftækni.
Orkuklasinn er samstarfsvettvangur fyrirtækja og stofnana sem koma að íslenskum orkugeira og nær yfir alla virðiskeðjuna, allt frá rannsóknum til nýtingar. Markmið klasans er að efla samkeppnishæfni, samvinnu og þekkingarmiðlun sem og knýja áfram verðmætasköpun í endurnýjanlegri orkugeiranum. Umfang Orkuklasans nær yfir alla orkugjafa á Íslandi, þar á meðal jarðvarma, vatnsafl, vindorku og X-Power.
