Nýsköpun á landsbyggðinni
Yfirlit yfir stuðningsumhverfi nýsköpunar á landsbyggðinni.
Óháð staðsetningu
Atriði tengt nýsköpun á landsbyggðinni sem hafa ekki nákvæma staðsetningu og koma ekki fram á kortinu að ofan:
Í lífmassaveri Matís má finna tæknilega fullkominn vinnslubúnað sem hentar vel við þróun og framleiðslu á próteinum og olíum úr hliðarafurðum matvælavinnslu sem nýta má ýmist í fóðurgerð eða til manneldis og matvælagerðar. Lífmassaver Matís er staðsett á Neskaupsstað en hluti af því er færanlegt svo mögulegt er að flytja tækin hvert á land sem er. Slíkt er hugsað sem aukin þjónusta við innlenda matvælaframleiðendur út um allt land m.t.t. nýsköpunar og vöruþróunar.
.png?alt=media&token=9328ab81-184f-4ca6-a6d6-78b82ec09f37)
.png?alt=media&token=0247bb21-f43b-4460-bccd-d87959e9a20a)
skapandi%20f%C3%B3lk%20%C3%A1%20Vesturlandi__2024-01-25%2Flogo%2Ffacebook_logo.png?alt=media&token=65a1e859-c1e9-4c2b-8fcd-ced5ada10b7a "(Ný)skapandi fólk á Vesturlandi"){kind=logo}
„(Ný)skapandi fólk á Vesturlandi“ er Facebook hópur og umræðuvettvangur fyrir frumkvöðla á Vesturlandi. Þú getur leitað að spurningum og svörum, sem og spurt aðra spurninga tengt nýsköpun á svæðinu.
Vaxtarrýmið Austanátt er 8 vikna ferli fyrir einstaklinga eða teymi sem vilja þróa áfram hugmyndir sem skapa verðmæti á Austurlandi. Í vaxtarrýminu gefst hugmyndasmiðum færi á að tengjast öðrum frumkvöðlum, fá ráðgjöf frá reyndum sérfræðingum og fræðslu. Vaxtarrýmið fer fram frá byrjun september til loka október 2024. Fræðsla og ráðgjöf fer fram reglulega yfir tímabilið í gegnum netið. Þátttakendur hittast þrisvar yfir tímabilið í heilan dag. Þátttaka er að kostnaðarlausu.
Byggðastofnun veitir langtímalán til fyrirtækja á landsbyggðinni sem vinna að nýsköpun. Lánanefnd fer yfir umsóknir og skoðar m.a. áhættumats, viðskiptaáætlun og önnur gögn frá umsækjanda. Hægt er að leita til Byggðastofnunar til að fá ráðgjöf varðandi lánsumsókn.
Byggðaþróunarfulltrúar eru gott fyrsta stopp íbúa á Suðurlandi til þess að rata um stoðkerfi nýsköpunar, atvinnu og menningu. Byggðaþróunarfulltrúar handleiða og veita ráðgjöf íbúum að kostnaðarlausu (allt að 7 klst. á ári). Byggðaþróunarfulltrúar eru staðsettir á sjö svæðum um Suðurland og geta jafnframt aðstoðað í gegnum netið. Þú finnur þinn byggðaþróunarfulltrúa í gegnum hlekkinn hér til hliðar.
Eignarhaldsfélag Suðurnesja styður við nýsköpun á Suðurnesjum, bæði í fjárfestingum og með lánum. Félagið tekur þátt í smáum og stærri verkefnum og hefur m.a. stutt við GeoSilica, Taramar, Orf Líftækni, Matorku, DMM lausnir og Artic Sea Minerals. Farið er yfir umsóknir jafnóðum og veita ráðgjafar Heklunnar aðstoð við umsóknarskrif. Félagið er að stærstum hluta í eigu ríkissjóðs, Byggðastofnunar, sveitafélaganna á Suðurnesjum og Festa lífeyrissjóðs.
Eygló er samstarfsverkefni um eflingu orkuskipta, orkunýtni og hringrásarhagkerfis á Austurlandi. Markmið Eyglóar er að minnka kolefnisspor Austurlands í samstarfi við einstaklinga, fyrirtæki og stofnanir á svæðinu. Eygló mun kortleggja orku- og efnisstrauma á Austurlandi og stuðla að samdrætti í losun gróðurhúsalofttegunda í gegnum tiltekin verkefni.
Fab Lab er stafræn smiðja með það að markmiði að efla nýsköpun og tæknilæsi í samfélaginu. Þar er hægt að þróa nýsköpunarhugmyndir meðal almennings, innan menntastofnana og í atvinnulífinu. Ýmiss búnaður er til staðar m.a. þrívíddarprentari, laserskurðvélar, ýmis rafeindartæki og fleira.
„Frumkvöðlar í Suðurnesjum“ er Facebook hópur og umræðuvettvangur fyrir frumkvöðla á Suðurnesjum. Þú getur leitað að spurningum og svörum, sem og spurt aðra spurninga tengt nýsköpun á svæðinu.
„Frumkvöðlar í ferðaþjónustu“ er Facebook hópur og umræðuvettvangur fyrir frumkvöðla í kringum ferðaþjónustu. Þú getur leitað að spurningum og svörum sem og spurt aðra og óskað eftir jafningaráðgjöf.
„Frumkvöðlar í landbúnaði“ er Facebook hópur og umræðuvettvangur fyrir frumkvöðla í kringum landbúnaðinn. Þú getur leitað að spurningum og svörum sem og spurt aðra og óskað eftir jafningaráðgjöf.
Gleipnir nýsköpunar- og þróunarsetur á Vesturlandi er samstarfsverkefni á Vesturlandi sem snýr að nýsköpun og þróun tækifæra á sviði landbúnaðar, matvælaframleiðslu, sjálfbærni og loftslagsmála. Tilgangur setursins er að leiða og byggja upp samstarf stofnaðila, stjórnvalda og annarra hagaðila þar sem lögð verður áhersla á að efla rannsóknir og hagnýtingu þeirra, stefnumótun, nýsköpun og fræðslu.
Styrkir vegna nýsköpunarverkefna utan höfuðborgarasvæðisins. Lóu nýsköpunarstyrkir eru ætlaðir verkefnum sem komin eru af byrjunarstigi og þarf mótframlag umsækjanda að vera lágmark 30%. Styrkirnir eru veittir árlega og eru ætlaði að styðja við atvinnulíf og verðmætasköpun, uppbyggingu vistkerfis fyrir nýsköpunarstarf og eflingu byggða og landshluta með nýskapandi verkefnum.
„Matarfrumkvöðlar“ er Facebook hópur og umræðuvettvangur fyrir frumkvöðla sem vinna að nýsköpun og þróun í íslenskri matvælaframleiðslu. Þú getur leitað að spurningum og svörum sem og spurt aðra og óskað eftir jafningaráðgjöf.
Norðanátt er hreyfiafl nýsköpunar á Norðurlandi sem miðar að því að auka fjárfestingar á svæðinu og skapa kraftmikið umhverfi fyrir frumkvöðla og fyrirtæki sem vinna að nýsköpun með áherslu á loftslagsmál og hringrásarhagkerfið. Frumkvöðlar og sprotafyrirtæki sem vinna að verkefnum á þeim sviðum geta leitað til Norðanáttar og fengið ráðgjöf. Norðanátt rekur m.a. viðskiptahraðal, hugmyndasamkeppni og fjárfestahátíð á Norðurlandi.
Nýsköpunarnet Vesturlands (Nývest) er bakhjarl landshlutans í málefnum nýsköpunar ásamt því að tengja saman frumkvöðla og hagaðila. Nývest hefur þann tilgang að tengja saman ólíka hópa, miðla upplýsingum og aðstoða frumkvöðla og fræða þá sem hafa áhuga á þróun atvinulífs og nýjum verkefnum á Vesturlandi. Nývest er m.a. ætlað að vera tengiliður mismunandi hagsmunaaðila; einstaklinga, atvinnulíf, skóla og rannsókna ásamt því að veita faglegan stuðning, veita aðstoð við styrkumsóknir og veita upplýsingar um styrki sem í boði eru fyrir nýsköpunarverkefni og frumkvöðla.
Styrkir til rannsókna á sviði umhverfis- og orkumála þar sem nemendur í meistara- eða doktorsnámi eiga þess kost að sækja um verkefnisstyrk ásamt leiðbeinanda. Orkurannsóknasjóður styrkir almenn rannsóknarverkefni á sviði umhverfis og orkumála, þar með taldar rannsóknir á orkuskiptum, orkusparnaði og minnkun losunar í samgöngum og iðnaði, svo og gerð fræðsluefnis. Styrkir nema að jafnaði ekki meiru en helmingi útlagðs kostnaðar.
__2024-01-19%2Flogo%2Frml.jpeg?alt=media&token=f647010a-7a4f-4173-80c4-aae61e9bc01c "Ráðgjafamiðstöð Landbúnaðarins (RML)")
Ráðunautar RML sinna sérhæfðri ráðgjöf varðandi nánast allt sem viðkemur landbúnað, þar á meðal tengt nýsköpun í landbúnaði.
Startup Stormur er sjö vikna hraðall fyrir græn verkefni á Norðurlandi, þar sem þátttakendur fá tækifæri til að efla sig og sín fyrirtæki og vaxa með vindinn í bakið. Hraðalinn er rekinn af Norðanátt og er ætlaður frumkvöðlum, nýjum fyrirtækjum og nýsköpunarverkefnum innan rótgróinna fyrirtækja á Norðurlandi sem eru komin af hugmyndastigi. Hraðalinn fer að mestu leyti fram á netinu en teymin hittast jafnframt þrisvar sinnum á vinnustofum.
Uppbyggingasjóður styrkir m.a. nýsköpunarverkefni á Austurlandi í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis.
Uppbyggingasjóður styrkir m.a. nýsköpunarverkefni á Norðurlandi eystra í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis.
Uppbyggingasjóður styrkir m.a. nýsköpunarverkefni á Norðurlandi vestra í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis, en þó að hámarki 20% af heildarfjármagni sem er til úthlutunar í hvorum flokki fyrir sig.
Uppbyggingasjóður styrkir m.a. nýsköpunarverkefni á Suðurlandi í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis, en þó að hámarki 2,5 m.kr.
Uppbyggingasjóður styrkir m.a. nýsköpunarverkefni á Suðurnesjum í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis, en þó að hámarki 2,5 m.kr.
Uppbyggingasjóður styrkir m.a. nýsköpunarverkefni á Vestfjörðum í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis, en þó að hámarki 2,5 m.kr.
Uppbyggingasjóður styrkir m.a. nýsköpunarverkefni á Vesturlandi í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis, en þó að hámarki 2,5 m.kr.
Uppsprettan er nýsköpunarsjóður á vegum Haga hefur það að markmiði að virkja og styðja frumkvöðla til nýsköpunar og þróunar í íslenskri matvælaframleiðslu. Sjóðurinn leggur áherslu á stuðning við frumkvöðla verkefni sem taka tillit til sjálfbærni og styðja við innlenda framleiðslu.
