Suðurnes

SSS / Heklan | Ráðgjöf

Samband sveitarfélaga á Suðurnesjum (SSS) / Heklan veita ráðgjöf til frumkvöðla og sprotafyrirtæki á Suðurnesjum. Þessi ráðgjöf er í boði hjá öllum landshlutasamtökum í öllum landshlutum skv. samningi við Byggðastofnun. Ráðgjöfin er gjaldfrjáls á fyrstu stigum (allt að 10 tíma ráðgjöf).

Auðlindagarður HS Orku

Auðlindagarður HS Orku á Suðurnesjum er klasi fyrirtækja sem nýta auðlindastrauma jarðvarmaveranna – jarðsjó, gufu, koltvísýring og varma – til fjölbreyttrar verðmætasköpunar. Vettvangur fyrir nýsköpunarfyrirtæki sem vilja byggja á hliðarstraumum orkuvinnslu.

Frumkvöðlar á Suðurnesjum

„Frumkvöðlar í Suðurnesjum“ er Facebook hópur og umræðuvettvangur fyrir frumkvöðla á Suðurnesjum. Þú getur leitað að spurningum og svörum, sem og spurt aðra spurninga tengt nýsköpun á svæðinu.

Eldey frumkvöðlasetur

Eldey frumkvöðlasetur á Ásbrú í Reykjanesbæ býður frumkvöðlum og sprotafyrirtækjum vinnuaðstöðu og stuðningsumhverfi í umsjón Heklunnar, atvinnuþróunarfélags Suðurnesja.

Fab Lab - Suðurnes

Fab Lab er stafræn smiðja með það að markmiði að efla nýsköpun og tæknilæsi í samfélaginu. Þar er hægt að þróa nýsköpunarhugmyndir meðal almennings, innan menntastofnana og í atvinnulífinu. Ýmiss búnaður er til staðar m.a. þrívíddarprentari, laserskurðvélar, ýmis rafeindartæki og fleira.

+4

Uppbyggingarsjóður Suðurnesja

Uppbyggingasjóður styrkir m.a. nýsköpunarverkefni á Suðurnesjum í samræmi við samning um sóknaráætlun landshlutans. Að jafnaði getur styrkur numið allt að 50% af heildarkostnaði verkefnis, en þó að hámarki 2,5 m.kr.

Eignarhaldsfélag Suðurnesja

Eignarhaldsfélag Suðurnesja styður við nýsköpun á Suðurnesjum, bæði í fjárfestingum og með lánum. Félagið tekur þátt í smáum og stærri verkefnum og hefur m.a. stutt við GeoSilica, Taramar, Orf Líftækni, Matorku, DMM lausnir og Artic Sea Minerals. Farið er yfir umsóknir jafnóðum og veita ráðgjafar Heklunnar aðstoð við umsóknarskrif. Félagið er að stærstum hluta í eigu ríkissjóðs, Byggðastofnunar, sveitafélaganna á Suðurnesjum og Festa lífeyrissjóðs.