Matarslóðir Snæfellsness
Áhugafólki um matarmenningu og gómsæt matvæli býðst tækifæri til að skoða í matarkistu Snæfellsness og kynnast fólkinu á bak við hráefnið – þeim sem rækta, framleiða og skapa með ástríðu og virðingu fyrir náttúru og staðbundinni menningu.
Hér er hlekkur á skráningu í ferðina: https://forms.gle/4rBmjYBWxWgJi38m8
Á Snæfellsnesi mætast hefðir og nýsköpun á einstakan hátt svo úr hefur þróast fjölbreytt framleiðsla á hágæða matvælum, sem við fáum að smakka, skoða og skilja. Í stuttu máli að njóta þess besta sem Snæfellsnes hefur upp á að bjóða.
Innifalið er ævintýrakvöldverður í Hlöðunni á Miðhrauni á föstudagskvöldið, léttur hádegisverður á laugardag, auk fjölmargra heimsókna til smáframleiðenda um allt Snæfellsnes með kynningu á þeirra vörum, smakki og fróðleik bæði föstudag og laugardag.
Mæting á Miðhrauni á Snæfellsnesi föstudaginn 1. maí kl 11.00. Þátttakendur sameinast í bíla til að ferðast á milli staða.
Ferðin kostar 39.500 á mann.
Greiðist inn á reikning Crisscross:
kt: 690416-2470
banki: 0301 - 26 008512
Skýring: Matarslóðir
crisscross@crisscross.is
Vinsamlegast greiðið ferðina eigi síðar en 24. apríl.
Þátttakendur í ferðinni greiða sérstaklega fyrir gistingu.
Ef bókað er hjá okkur getum við boðið afslátt á gistingu á Miðhrauni - Lava Resort sem er fjölskyldurekinn gististaður á sunnanverðu Snæfellsnesi, rétt áður en komið er að afleggjaranum yfir Snæfellsnes um Vatnaleið (þjóðveg 56).
Auk gistingar er á Miðhrauni lítið fjárbú, náttúrubað, sauna og veitingastaður í gömlu Hlöðunni.
Innifalið í gistingu er aðgangur að náttúrubaðinu og vel úti látið morgunverðarhlaðborð í Hlöðunni.
Hér er hlekkur á skráningu í ferðina: https://forms.gle/4rBmjYBWxWgJi38m8
Hægt er að velja úr mismunandi gistimöguleikum:
Herbergi í Ömmuhúsi - með sameiginlegri salernisaðstöðu. í húsinu eru 5 herbergi og 3 salerni.
Tilboðsverð fyrir herbergi fyrir 2 með morgunmat: 25.000 kr
Tilboðsverð fyrir herbergi fyrir 1 með morgunmat: 22.000 kr
Gisting í 4ja manna húsi (tvö 2ja manna svefnherbergi, eldhúsaðstaða og salerni)
Tilboðsverð fyrir herbergi fyrir 2 með morgunmat: 27.750 kr
Tilboðsverð fyrir herbergi fyrir 1 með morgunmat: 24.750 kr
Gisting í 2ja manna húsi (eitt 2ja manna svefnherbergi, eldhúsaðstaða og salerni).
Tilboðsverð fyrir 2 í herbergi með morgunmat: 41.000 kr
Tilboðsverð fyrir 1 í herbergi með morgunmat: 38.000 kr
Athugið að hægt er að velja gistingu í 4ja manna húsi þó einungis séu 2 saman en þá munu við úthluta hinu herberginu til annarra í hópnum. Ef þið hafið óskir með hverjum þið viljið vera í húsi er hægt að skrifa það inn í pöntunarforminu.
Til glöggvunar má sjá mismunandi gistimöguleika á Miðhrauni hér: https://lavaresort.digitalfamtrip.com/lr-interactive-video
Viðburðurinn er samstarfsverkefni Slow Food á Íslandi, Crisscross matarferða og Svæðisgarðsins á Snæfellsnesi.
