Hugmyndahraðhlaup Gulleggsins & Landsbankans
🚀Ertu háskólanemi með einhvern áhuga á nýsköpun? Dreymir þig um að verða frumkvöðull en skortir hugmynd eða teymi – eða bæði?
Hugmyndahraðhlaup Gulleggsins & Landsbankans verður haldið í Landsbankanum helgina 9. - 10. janúar 2026.
Hugmyndahraðhlaupið er lausnamót opið öllum háskólanemum á Íslandi og er kjörið tækifæri til þess að mynda teymi og þróa með því nýsköpunarhugmynd innan öflugs stuðningsumhverfis.
Lausnamót er nýsköpunarkeppni þar sem áhugasamt fólk kemur saman og skapar lausnir við raunverulegum vandamálum.
Þeir bakhjarlar Gulleggsins sem taka þátt í Hugmyndahraðhlaupinu eru: ELKO, Háskólinn í Reykjavík, KPMG, JBT Marel og Reykjavíkurborg. Þau munu kynna raunveruleg vandamál sem þau glíma við sem áskoranir fyrir þátttakendur lausnamótsins að leysa.
Sigurvegarar Hugmyndahraðhlaups Gulleggsins & Landsbankans fá að launum 150.000 kr og tryggt sæti í Topp 10 hópnum í Lokakeppni Gulleggsins! 🚀
Skráðu þig hér!
