Frá viðskiptahugmynd til fjármögnunar

Miðstöð stafrænnar nýsköpunar á Íslandi (EDIH) stendur fyrir "master class" námskeiði fimmtudaginn 24. október næstkomandi klukkan 10:00 - 14:00 í Grósku.

Námskeiðið heldur Uffe Bundgaard-Joergensen, framkvæmdastjóri Gate2Growth.

Markmið námskeiðsins er að leiðbeina frumkvöðlum í gegnum lykilþætti í gerð árangursríkrar viðskiptaáætlunar og öflunar fjármagns. Uffe hefur mikla reynslu á þessu sviði. Á námskeiðinu mun hann deila innsýn sinni í það hvernig á að þróa sannfærandi viðskiptahugmynd, gera árangursríka fjárhagsáætlun og laða að rétta fjárfesta.

Fjallað verður um hvernig má sameina fjármögnun úr einkageiranum með opinberum styrkjum, með sérstakri áherslu á styrki frá ESB.

Nánari upplýsingar: https://www.rannis.is/frettir/fra-vidskiptahugmynd-til-fjarmognunar