Hliðarviðburður | Oslo Innovation Week
Íslandsstofa í samstarfi við Sendiráð Íslands í Osló auglýsir hliðarviðburð á Oslo Innovation Week sem fer fram dagana 23.-27. september 2024.
Viðburðurinn verður haldinn fimmtudaginn 26. september klukkan 16:00-18:00 í sendiherrabústaðnum í Osló. Þar gefst íslenskum nýsköpunarfyrirtækjum kostur á að kynna vörur sínar og þjónustu fyrir fjárfestum og öðrum hagaðilum. Formleg dagskrá viðburðarins verður auglýst síðar.
Fyrirtæki sem vilja heimsækja hina líflegu Osló borg og hafa áhuga á að taka þátt í viðburðinum eru hvött til að hafa samband við viðskiptafulltrúa sendiráðsins í Osló, Hebu Líf Jónsdóttur í gegnum netfangið hennar: heba.lif.jonsdottir@utn.is fyrir 5.júlí.
Viðburðurinn er þegar skráður hjá Oslo Innovation Week og ber heitið „Innovation from the Saga Nation“. Aðrir, svo sem fjárfestar og fólk úr stuðningsumhverfi nýsköpunar á Íslandi sem hafa áhuga á að mæta, geta skráð sig hér að neðan.
Þá daga sem hátíðin stendur eru haldnir fjöldamargir viðburðir um alla borg. Ólíkt öðrum nýsköpunarhátíðum er engin miðasala á Oslo Innovation Week. Í flestum tilvikum er aðgangur að viðburðum ókeypis en skráningar er krafist. Það er því er tilvalið að nýta vikuna til að sækja sem flesta viðburði og kynnast nýsköpunarumhverfinu í Noregi. Sjá dagskrá Oslo Innovation Week hér: https://oiw.no/program/1
